Reina varði víti í jafntefli Arsenal

Arsenal og Napólí skildu jöfn 2-2 í Emirates-bikarnum í knattspyrnu í Lundúnum í dag.

Gestirnir komust í 2-0 í fyrri hálfleik með mörkum Insigne og Goran Pandev. Heimamenn fengu kjörið tækifæri til að komast á blað í fyrri hálfleiknum.

Olivier Giroud minnkaði muninn með bakfallsspyrnu á 72. mínútu og Laurent Koscielny jafnaði metin af miklu harðfylgi á 86. mínútu.

Fyrr í dag lagði Galatasaray lið Porto með einu marki gegn engu. Á morgun mætast Porto og Napólí annars vegar og Arsenal og Galatasaray hins vegar. Báðir leikirnir verða í beinni útsendingu á Stöð 2 Sport 2.