Moyes: Hefðum getað skorað meira

„Ég held að það hafi verið svo mikill munur á frammistöðunni fyrir utan að við skoruðum, augljóslega,“ sagði David Moyes þjálfari Manchester United eftir 3-0 sigurinn á Aston Villa í dag og átti þá við muninn á frammistöðunni í dag og í tapleikjunum gegn Newcastle og Everton.

„Við höfum ekki verið að skora og mörkin breyta því  hvernig hlutinir líta út, sérstaklega fyrir fjölmiðlana.

„Við vitum að við þurfum að leika betur en við gerðum í dag. Við þurfum að bæta okkur leik frá leik og ég mun sjá til þess að hlutirnir verða betri næstu mánuðina.

„Þetta var gott dagsverk, leikmenn léku vel og það eina sem ég get sett út á er að við skoruðum ekki fleiri mörk.

„Antonio Valencia var mjög góður og ungi Adnan (Januzaj) er enn að læra og mun verða mjög góður leikmaður í framtíðinni. Við lékum vel en vorum slakir fyrstu fimm mínúturnar eða svo en eftir það lékum við vel, mjög vel,“ sagði Moyes sem var mjög ánægður með markaskorara sína í leiknum, Danny Welbeck og Tom Cleverley.

„Danny Welbeck er leikmaður sem verður að halda áfram að skora mörk. Hann var góður í dag og hættulegur og hefði getað skorað fleiri mörk. Það hefði verið fínt fyrir hann að skora þrennu en tvö er góð tala.

„Tom hefur verið að leika ágætlega og í dag lék hann mjög vel. Hann spilaði boltanum vel og hélt boltanum vel og endaði á að skora mark af miðjunni.“