Hazard, Martinez og Keita orðaðir við Liverpool

Enska götublaðið The Mirror segir að Liverpool sé með þrjá sterka miðvallarleikmenn í sigtinu fyrir næsta sumar.

Damien Comolli sagði við enska fjölmiðla í gær að margir sterkir leikmenn hefðu áhuga á að ganga til liðs við félagið í sumar, án þess að nefna nein nöfn. Viðtalið má lesa hér fyrir neðan.

Leikmennirnir þrír eru Eden Hazard hjá Lille en þessi 21 árs Belgi hefur verið orðaður við mörg af stærstu félögum Evrópu undanfarin misseri. Javi Martinez er 23 ára varnarsinnaður miðjumaður sem leikur með Athletic Bilbao og þá er Seydou Keita, leikmaður Barcelona, sagður áhugasamur um að koma til bítlaborgarinnar.