Ferguson: Framkoma stuðningsmanna City til skammar

„Ég hef ekki upplifað mikið meiri dramatík í leikjum þessara liða á mínum ferli," sagði Sir Alex Ferguson, knattspyrnustjóri Manchester United, eftir sigurinn á Manchester City í dag.

„Þetta var sérstakur sigur en City hafði ekki tapað leik í deildinni á þessum velli í tvö ár. Það var varla hægt að taka augum af leiknum, þetta var frábær knattspyrnuleikur."

„Við skoruðum alveg löglegt mark sem var dæmt af vegna rangstöðu og þeir brunuðu upp völlinn og jöfnuðu. Fótboltinn getur verið svona og menn verða bara að taka því. Liðið sýndi frábæran karakter að ná að innbyrða sigur."

„Framkoma stuðningsmanna City var sorgleg en þeir köstuðu peningum inná völlinn ítrekað sem slæmum afleiðingum og einn þeirra hljóp inná völlinn, svona á ekki að sjást í ensku úrvalsdeildinni."

„Við lentum í því sama gegn Chelsea um daginn og þá var allskonar hlutum hent inná völlinn, þetta er greinilega vandamál í deildinni og það þarf að taka fast á þessu. Ég vill samt sem áður ekki dvelja lengi við þetta og einbeita mér frekar að þessum frábæra sigri."