Morrison í vandræðum vegna skrifa á Twitter

Táningurinn Ravel Morrison er aftur búinn að koma sér í klípu vegna færslu sem hann skrifaði á Twitter-síðuna sína. Þar gerir hann lítið úr samkynhneigðum.

Færslunni var síðar eytt en samkvæmt enskum fjölmiðlum var hún svohljóðandi: „Crack head ? Go suck out u little faggot your a guy that talks if u see me you try slap me I'm in manchester every week."

Var hann að svara öðrum Twitter-notanda sem hafði reitt hann til reiði.

Morrison gekk nýverið í raðir West Ham frá Manchester United en hann hefur þrátt fyrir ungan aldur margsinnis lent í vandræðum og meðal annars komist í kast við lögin.

Hann þykir engu að síður afar efnilegur knattspyrnumaður. Þrátt fyrir það fékk Sir Alex Ferguson hjá Manchester United nóg og ákvað að selja hann.