Nani ekki á förum frá Man Utd

Portúgalski vængmaðurinn Nani er ekki að förum frá Manchester United ef marka má orð knattspyrnustjórans, Sir Alex Ferguson. Nani, sem er 26 ára gamall, hefur ekki oft verið í byrjunarliði United það sem af er leiktíðar og er sagður óánægður á Old Trafford.

„Við látum hann ekki fara frá okkur. Við þurfum á Nani að halda. Hann er með samning hér í fjögur og hálft ár í viðbót. Hann færir okkur eitthvað nýtt. Nani hefur ótrúlega hæfileika," segir Ferguson.

„Því miður þá er hann meiddur í augnablikinu. Við sendum hann til Dubai í frí til að hjálpa honum að ná sér. Hann á framtíð hér. Hvers vegna ætti ég að láta hann fara?"