Mancini býst við miklu af Tevez á komandi tímabili

Roberto Mancini, knattspyrnustjóri Manchester City segist geta treyst á Carlos Tevez á þessu tímabili.

„Carlos hefur unnið miklu betur á þessu undirbúningstímabili, hann er í mun betra ástandi. En mikilvægasta er að hann vill spila fótbolta núna, það er erfitt þegar fótboltamenn vilja ekki spila. Í ár verður í fyrsta sinn í 4-5 ár sem hann fær fullt undirbúningstímabil og það gæti gert honum gott."

Tevez vakti mikla athygli með hegðun sinni á síðasta tímabili en kom sterkur inn á lokakaflanum.

„Ég býst við miklu af honum á þessu tímabili, þegar hann vill er hann hágæða leikmaður. Við höfðum hann aðeins í 10 leiki í fyrra en hann var mikilvægur og skoraði 5-6 mörk í þeim leikjum."

Mancini var ánægður með lið sitt í dag sem tryggði sér 3-2 sigur á Chelsea í Samfélagsskildinum.

„Þetta var fín frammistaða, um leið og Chelsea komst í 1-0 fórum við að spila betur. Ég sá ekki nægilega vel atvikið með rauða spjaldið en auðvitað er betra að spila manni fleirri. En mér fannst við heilt yfir spila betra en Chelsea, spila betri fótbolta hérna í dag," sagði Roberto Mancini.