Yngri flokka þjálfari Everton slóst við markvörð kvennaliðsins

Enska knattspyrnufélagið Everton hefur vikið yngri flokka þjálfara félagsins og markverði kvennaliðsins tímabundið úr starfi. Upp sauð að loknu árlegu jólateiti félagsins á sunnudagskvöldið.

Þjálfarinn, Mick O'Brien, sem heldur utan um þjálfun drengja á aldrinum níu til ellefu ára hjá Everton er talinn hafa slegið til Danielle Hill, varamarkvarðar kvennaliðs félagsins.

Hill lét líka finna fyrir sér en heimildum ber ekki saman um hver reiddi fyrst til höggs. Atvikið átti sér stað á öldurhúsi í miðborg Liverpool. Rannsókn málsins stendur yfir.