Wilshere hyggst framlengja við Arsenal

Fréttir úr herbúðum Arsenal herma að enski miðvallarleikmaðurinn Jack Wilshere muni framlengja samning sinn við félagið á næstu tveimur vikum.

Wilshere er aðeins tvítugur að aldri og missti af öllu síðasta keppnistímabili vegna meiðsla. Hann er byrjaður að leika aftur og vill Arsenal ganga frá nýjum samningi við piltinn hið fyrsta.

Hávær orðrómur hefur verið uppi um að Wilshere vilji yfirgefa lið Arsenal en skrifi hann undir nýjan fjögurra ára samning er ljóst að sá orðrómur er orðin ein.

„Ég hef átt í viðræðum við félagið og það má reikna fastlega með því að staðfesti hug minn á að vera áfram hjá félaginu á næstu tveimur vikum,“ sagði Wilshere.

„Ég veit að það gengur erfiðlega hjá félaginu um þessar mundir en það gerist hjá öllum liðum. Þegar við vinnum fyrsta titilinn muni aðrir fylgja á eftir.“