Chelsea slátraði Aston Villa 8-0

Chelsea var ekki í nokkrum vandræðum með Aston Villa í ensku úrvalsdeildinni í knattspyrnu en liðið bar sigur úr býtum, 3-0, á Stamford Bridge.

Fernando Torres gerði fyrsta mark leiksins eftir aðeins þriggja mínútna leik en það var David Luiz sem skoraði annað mark liðsins eftir hálftíma leik. Branislav Ivanovic skoraði síðan þriðja mark Chelsea stuttu fyrir lok fyrri hálfleiks. Staðan var því 3-0 í hálfleik og útlitið svart fyrir Villa.

Þegar tæplega fimmtán mínútur voru liðnar af síðari hálfleiknum skoraði Frank Lampard frábært mark með skoti lengst utan af velli og staðan orðin 4-0. Fimmtán mínútum fyrir leikslok var það Ramires sem skoraði fimmta mark Chelsea í leiknum, algjör niðurlæging staðreynd fyrir Villa-menn.

Oscar  skoraði síðan sjötta mark heimamanna nokkrum mínútum síðar út vítaspyrnu en brotið var á honum innan vítateigs.  Leikmenn Chelsea voru alls ekki hættir eftir sjötta markið og Eden Hazard bætti við því sjöunda á 83. mínútu leiksins.

Lucas Piazón fékk dæmda vítaspryrnu rétt fyrir leikslok og allt stefndi í áttunda mark heimamanna en það var Brad Guzan sem kom vörnum við.

Átunda markið kom aftur á móti aðeins einni mínútu síðar þegar Ramieres hamraði boltann í netið. Magnaður leikur sem endaði með ósköpum fyrir Aston-Villa.

Leiknum lauk því með ótrúlegum sigri Chelsea 8-0 og Aston-Villa sá aldrei til sólar. Chelsea er í þriðja sæti deildarinnar með 32 stig en Aston Villa í því 16. með 18 stig.

Staðan í ensku úrvalsdeildinni.