Íslendingaliðin töpuðu bæði í ensku b-deildinni

Þetta var ekki góður dagur fyrir Íslendingaliðin í ensku b-deildinni því Cardiff City og Wolves töpuðu bæði í leikjum sínum í dag. Cardiff er samt áfram á toppnum þar sem að Crystal Palace missti niður tveggja marka forystu í sínum leik.

Heiðar Helguson spilaði allan leikinn og Aron Einar Gunnarsson kom inn á sem varmaður á 51. mínútur þegar Cardiff tapaði 1-2 á heimavelli á móti Peterborough. Aron Einar kom inn í leikinn þegar Peterborough var komið í 2-0. Cardiff er engu að síður með tveggja stiga forskot á Crystal Palace á toppnum.

Björn Bergmann Sigurðarson spilaði allan leikinn þegar Wolves tapaði 2-0 á útivelli á móti Middlesbrough. Middlesbrough skoraði bæði mörkin sín í blálokin á leiknum. Úlfarnir eru í 18. sæti deildarinnar.

Eggert Gunnþór Jónsson er ekki lengur hjá Charlton sem tapaði 0-2 á útivelli á móti Bolton. David N'Gog skoraði bæði mörkin á sex mínútna kafla í seinni hálfleik.

Jerome Thomas og Paul Green skoruðu mörk Leeds í 2-0 sigri á Ipswich en Leeds er í 12. sætinu fjórum stigum frá sjötta sætinu sem gefur sæti í umspilinu.