Hitler var bjargað frá drukknun árið 1894

Sagnfræðingar í Þýskalandi telja að frásögn í gömlu fréttablaði þar í landi varpi nýju ljósi á skelfilegt slys sem Adolf Hitler lenti í á barnsaldri. Í blaðagreininni segir frá ungum pilti sem féll í gegnum ís í nágrenni við borgina Passau árið 1894.

Í greininni kemur fram að hugrakkur félagi piltsins hafi dregið hann upp úr stöðuvatninu. Talið er að piltarnir hafi verið í eltingarleik á ísnum þegar slysið átti sér stað.

Hitler er ekki nefndur á nafn í blaðagreininni en frásögnin er sögð staðfesta sögu prests í Passau sem segir forvera sinn sinn hafa bjargað nasistaleiðtoganum á barnsaldri.

Hitler, sem oft talaði um æsku sína í Passau, minntist aldrei á atvikið. Hitler var 4 ára þegar atvikið átti sér stað en hann bjó í Passau ásamt foreldrum sínum á árunum 1892 til 1894.