Gylfi í byrjunarliðinu í markalausu jafntefli Tottenham og Liverpool

Tottenham og Liverpool gerðu í kvöld markalaust jafntefli í æfingaleik í Bandaríkjunum en bæði félögin eyða undirbúningstímabilinu í Bandaríkjunum.

Gylfi Þór Sigurðsson var í byrjunarliði Tottenham en honum tókst ekki að skora ekki frekar en öðrum leikmönnum vallarins. Gylfi hafði átt þátt í marki í tveimur fyrstu leikjum sínum með Spurs.

Þetta var síðasti undirbúningsleikur Liverpool fyrir leikina á móti hvít-rússneska liðinu Gomel í forkeppni Evrópudeildarinnar. Liverpool hefur nú leikið þrjá leiki undir stjórn Brendan Rodgers og á enn eftir að vinna leik.