Sir Alex Ferguson: Pottþétt rautt spjald á Jonjo Shelvey

Sir Alex Ferguson, stjóri Manchester United, stýrði sínum mönnum til fyrsta sigursins á Anfield í fimm ár í dag. United-liðið, sem átti í vök að verjast stóran hluta leiksins, lék manni fleiri í rúmar 50 mínútur og vann leikinn á vítaspyrnu níu mínútum fyrir leikslok.

„Þetta eru frábær úrslit fyrir okkur en við spiluðum ekki vel. Liverpool var með yfirburði í fyrri hálfleiknum en það gekk betur hjá okkur í seinni hálfleik enda þeir með tíu menn. Sigur er sigur og ég er ánægður með stigin en ekki með frammistöðuna," sagði Sir Alex Ferguson.

Liverpool lék manni færri frá 39. mínútu þegar Jonjo Shelvey fékk beint rautt spjald fyrir brot á Jonny Evans.

„Þetta var pottþétt rautt spjald á Jonjo Shelvey því hann henti sér inn í stórhættulega tæklingu. Jonny Evans fór í boltann og náði í hann og þetta var það eina sem dómarinn gat gert í stöðunni," sagði Ferguson.

Jonjo Shelvey blótaði Sir Alex Ferguson í sand og ösku um leið og hann labbaði útaf en hvað fór þeirra á milli.

„Ég býst við að hann hafi verið að reyna að kenna mér um þetta rauða spjald. Hann tekur ábyrgð á sinni eigin hegðun á því leikur enginn vafi," sagði Sir Alex Ferguson.