Usmanov: Wenger fær ekki nægan stuðning frá stjórninni

Alisher Usmanov, sem á 30 prósenta hlut í enska úrvalsdeildarliðinu Arsenal, segir að stjórn félagsins hafi ekki fengið nægan stuðning frá stjórn félagsins.

„Herra Wenger er einn besti þjálfari heimsins. Síðustu fimm ár hefur hann hins vegar ekki fengið nægan stuðning frá stjórninni til þess að vinna vinnuna sína," segir Usmanov í sjónvarpsviðtali við CNBC.

Þrátt fyrir stóran hlut í Arsenal á Usmanov ekki sæti í stjórn félagsins.

„Ég verð að segja að mér finnst það óskiljanlegt og ég klóra mér í hausnum yfir því að núverandi stjórn vilji ekki hafa 30 prósenta hluthafa í stjórninni. Við skiljum ekki þá ákvörðun," segir hinn moldríki Úsbeki.

Usmanov segist bera mikla virðingu fyrir Wenger.

„Ég segi herra Wenger alltaf að hann sé einn besti þjálfari og knattspyrnustjóri í heiminum en ég viðurkenni þó að hann hefur þurft að takast á við fjölmörg vandamál," segir Usmanov.

Hann telur meðal annars að salan á Robin van Persie til Arsenal hafi verið mistök.

„Ákvörðunin að selja hann var mistök. Ef ég væri einn leikmanna Wenger mundi ég vilja vera hjá liðinu allt til loka. Wenger sagði að Robin vildi vinna titla," segir Usmanov.