Björn Bergmann verður hvíldur gegn Blackpool

Ståle Solbakken, knattspyrnustjóri Wolves, ætlar að hvíla Björn Bergmann Sigurðarson í viðureign Úlfanna gegn Blackpool annað kvöld.

Björn Bergmann kennir sér meins í lærvöðva og norski stjórinn ætlar ekki að tefla á tvær hættur.

„Hann (Björn Bergmann) er mjög hræddur um að ef hann spili verði hann frá keppni í lengri tíma. Af þeim sökum verður hann ekki í hópnum," segir Solbakken á heimasíðu Wolves í dag.

„Hann æfði af fullum krafti í gær en gat ekkert beitt sér í dag. Ef við setjum pressu á hann annað hvöld. Þá gætu meiðslin varað í sex vikur í staðinn fyrir þrjá til fimm daga," segir Solbakken sem hrósar Skagamanninum.

„Hann hefur líklega verið einn besti leikmaður okkar síðustu fimm leiki."

Úlfarnir hafa ekki náð sér almennilega á strk á tímabilinu. Liðið situr í 18. sæti deildarinnar með 28 stig.