Mata hefur skorað í fyrsta leik sínum í öllum keppnum með Chelsea

Spánverjinn Juan Mata skoraði fyrsta mark Chelsea í 3-1 sigri á Monterrey í heimsmeistarakeppni félagsliða í gær.

Mata hefur náð því magnaða afreki að skora fyrir Chelsea í fyrsta leik sínum í öllum keppnum. Hér fyrir neðan má sjá keppnirnar fimm þar sem Mata hefur verið á skotskónum frá fyrsta leik.

Enska úrvalsdeildin

27. ágúst 2011 Mata skoraði eitt mark í 3-1 sigri á Norwich.

Meistaradeild Evrópu

13. september 2011 Mata skoraði í 2-0 sigri á Bayer Leverkusen

Enski bikarinn

8. janúar 2012 Mata skoraði í 4-0 sigri á Portsmouth

Deildabikarinn

25. september 2012 Mata skoraði í 6-0 sigri á Wolves

HM félagsliða

13. desember 2012 Mata skoraði í 3-1 sigri á Monterrey

Annars er það helst í tíðindum að Juan Mata er aðdáandi íslensku hljómsveitarinnar Of Monsters and Men ef marka má nýjasta tíst hans á Twitter, sjá hér.