Hollenskur bakvörður orðaður við Manchester United

Vinstri bakvörðurinn Alexander Buttner sem leikur með Vitesse Arnhem segist vera á leið til enska stórliðsins Manchester United. Buttner segir vistaskiptin vera draumi líkust.

Southampton, Fulham og Queens Park Rangers buðu í hinn 23 ára gamla bakvörð sem var viðriðin hollenska landsliðshópinn fyrir Evrópumeistaramótið í sumar.

Talið er að kaupverðið sé að andvirði 5 milljónum evra en Buttner segir frá þessu í viðtali við sjónvarpsstöðin Omroep Gelderland í Arnhem.

„Þetta er draumi líkast. Þetta gekk allt mjög hratt fyrir sig og ég er hæst ánægður. Blessunarlega sér fyrir endann á þessu," sagði Buttner.

Buttner hefur ekki verið sáttur við Vitesse sem hefur ekki viljað selja hann frá félaginu og fór mál hans fyrir Knattspyrnusambands Hollands.

Manchester United hefur þráðlátlega verið orðað við Leighton Baines hjá Everton en svo virðist sem Everton ætli ekki að selja og Sir Alex Ferguson hefur snúið sér til Buttner til að keppa við Patrice Evra um sæti í liðinu.