Enski boltinn

Paul Lambert: Megum ekki láta einn leik eyðileggja tímabilið

Kolbeinn Tumi Daðason skrifar
Lokatölurnar urðu þær sömu í viðureign Chelsea og Wigan vorið 2011.
Lokatölurnar urðu þær sömu í viðureign Chelsea og Wigan vorið 2011. Nordicphotos/Getty
Paul Lambert, stjóri Aston villa, var að vonum svekktur með útreiðina á Stamford Bridge í dag. Chelsea vann 8-0 sigur en hefði auðveldlega getað unnið stærri sigur.

„Ég ætla ekki að standa hérna og afsaka leik okkar. Við vorum teknir í gegn. Leikmennirnir vita að svona frammistaða verður ekki liðin. Við getum ekki vorkennt sjálfum okkur heldur reyna aftur. Við megum ekki fá á okkur mörk svona snemma á stöðum sem þessum. Þú verður að ná fótfestu í leikjunum," sagði Lambert.

„Allt sem gat farið úrskeiðis fór úrskeiðis en við megum ekki láta einn leik eyðileggja tímabilið. Við höfum verið á góðu skriði en ég missti mig ekki yfir því. Á sama hátt mun ég ekki missa mig yfir þessu tapi," sagði skoski stjórinn.

Aston Villa lagði Liverpool á útivelli 3-1 um síðustu helgi. Eins og lokatölurnar gefa til kynna sá liðið ekki til sólar gegn Chelsea í dag.




Fleiri fréttir

Sjá meira


×