Enski boltinn

Frank Lampard markahæstur í efstu deild í sögu Chelsea

Kolbeinn Tumi Daðason skrifar
Lampard fagnar marki sínu ásamt Torres og Hazard.
Lampard fagnar marki sínu ásamt Torres og Hazard. Nordicphotos/Getty
Frank Lampard skoraði eitt marka Chelsea í 8-0 slátrun á Aston Villa á Stamford Bridge í dag. Lampard er þar með orðinn markahæsti leikmaður Chelsea í efstu deild frá upphafi með 130 mörk.

Metið var í eigu Bobby Tambling og Lampard var hæstánægður með að slá metið.

„Það þýðir að ég er orðinn gamall," sagði Frank Lampard og sló á létta strengi. „Ég er afar stoltur og mjög stoltur af því að bæta met hins frábæra Bobby Tambling," sagði Lampard sem vildi ekki ræða samningsstöðu sína hjá Chelsea. Samningur Lampard við Chelsea rennur út í sumar.

„Ég er ekki að hugsa um það þessa stundina. Ég tek einn leik fyrir í einu og er ánægður að vera heill heilsu," sagði Lampard.


Tengdar fréttir

Chelsea slátraði Aston Villa 8-0

Chelsea var ekki í nokkrum vandræðum með Aston Villa í ensku úrvalsdeildinni í knattspyrnu en liðið bar sigur úr býtum, 3-0, á Stamford Bridge.




Fleiri fréttir

Sjá meira


×