Friedel verður 43 ára þegar nýi samningurinn rennur út

Brad Friedel verður áfram í herbúðum Tottenham en bandaríski markvörðurinn fékk nýjan samning í jólagjöf frá félaginu. Friedel er orðinn 41 árs en framlengdi samning sinn til ársins 2014. Hann verður þá orðinn 43 ára gamall.

Friedel hefur verið aðalmarkvörður Tottenham síðan að hann kom til félagsins frá Aston Villa árið 2010 en hefur nú misst sætið sitt til franska landsliðsmarkvarðarins Hugo Lloris. Hann lék áður með Liverpool og Blackburn Rovers og hefur verið í enska boltanum frá 1997.

Brad Friedel er eini leikmaðurinn í sögu ensku úrvalsdeildarinnar sem hefur náð því að byrja 300 leiki í röð en hann var í byrjunarliðinu í 310 leikjum í rö0ð þar sem til að Andre Villas-Boas, stjóri Tottenham, ákvað að setja hann á bekkinn fyrir leik á móti Aston Billa í október.

Friedel var orðaður við sitt gamla félag Blackburn Rovers en hefur alltaf talað um það að hann sé ánægður hjá Tottenham. Hann sýndi það síðan í verki með því að ganga frá nýjum samningi.