Draumabyrjun Liverpool dugði skammt á móti Stoke

Stoke er komið upp í áttunda sæti ensku úrvalsdeildarinnar eftir 3-1 sigur á Liverpool í síðasta leik dagsins í ensku úrvalsdeildinni. Liverpool hefði verið fimm stigum frá Meistaradeildarsætinu með sigri en Stoke náði því að leik níunda deildarleikinn í röð án þess að tapa.

Liverpool fékk sannkallaða draumabyrjun í leiknum þegar Luis Suárez fiskaði víti eftir 30 sekúndur og Steven Gerrard kom liðinu í 1-0 með öruggri spyrnu.

Það tók hinsvegar Stoke aðeins tæpar tíu mínútur að komast yfir í leiknum. Jonathan Walters skoraði fyrst á 5. mínútu eftir varnarmistök og bætti síðan við öðru marki á 12. mínútu með skalla eftir hornspyrnu Glenn Whelan.

Jonathan Walters bætti síðan við þriðja markinu á 49. mínútu eftir sendingu frá Kenwyne Jones og höfðu þeir báðir því komið að tveimur mörkum í leiknum.