Arshavin gæti verið á leiðinni til Reading

Andrey Arshavin gæti verið á leiðinni til Reading nú í janúarmánuði frá Arsenal, en leikmaðurinn hefur ekki náð sér sem skildi hjá Arsenal frá því að hann kom til félagsins árið 2009.

Hann fór til að mynda á lán til Zenit Saint Petersburg í Rússlandi fyrr á þessu ári. Pressan í Englandi greinir núna frá því að Reading sé reiðubúið að greiða 4 milljónir punda fyrir þennan 31 árs leikmann.

Reading þarf svo sannarlega á liðstyrknum að halda en liðið er í gríðarlegri fallbaráttu sem stendur í ensku úrvalsdeildinni.

Reading er að berjast fyrir lífi sínu í ensku deildinni.