Phil Neville lék sinn 500. leik í dag

Phil Neville, leikmaður Everton, lék í dag sinn 500. leik í ensku úrvalsdeildinni frá stofnun hennar árið 1992.

Everton tók á móti Wigan á Goodison Park fyrr í dag og fóru leikar 2-1 fyrir Everton en Phil Neville var á sínum stað í byrjunarliði Everton.

David Moyes, knattspyrnustjóri Everton, fer fögrum orðum um leikmanninn.

„Þetta er ótrúlegur leikmaður sem fórnar sér gríðarlega fyrir liðið. Hann er ávallt mættur fyrstu á æfingar og fer iðulega síðastur heim. Hann er mikill atvinnumaður og hugsar virkilega vel um líkama sinn. Þetta er magnað afrek hjá Neville."

Þetta er nítjánda tímabil Phil Neville í ensku úrvalsdeildinni en hann lék með Manchester United í 11 ár og hefur núna verið hjá Everton frá árinu 2005 þar sem hann er fyrirliði.