Stott líklega á leiðinni í lífstíðarbann

Hinn 21 árs gamli Matthew Stott mun líklega sjá eftir því alla ævi að hafa hlaupið inn á völlinn um helgina í leik Man. City og Man. Utd.

Búið er að ákæra hann fyrir athæfið og Man. City er þess utan búið að taka af honum ársmiðann. Líklegt er að hann fari í ævilangt bann hjá uppáhaldsliðinu sínu.

"Ef hann verður fundinn sekur þá fer hann í lífstíðarbann," sagði talsmaður City en Stott hefur þegar beðist afsökunar a´hegðun sinni.

"Ég mun skrifa Rio Ferdinand persónulega bréf og segja honum frá því hversu mikið ég sé eftir þessu. Ég mun einnig biðja Man. Utd og stuðningsmenn félagsins afsökunar," sagði Stott.