David Luiz er tilbúinn í nýtt hlutverk hjá Chelsea

Brasilíumaðurinn David Luiz segir að hann sé tilbúinn að taka að sér nýtt hlutverk hjá Chelsea sem varnarsinnaður miðjumaður. Luiz, sem leikur sem miðvörður hjá enska úrvalsdeildarliðinu, telur að hann geti aðstoðað liðið með því að fylla það skarð sem Spánverjinn Oriol Romeu skilur eftir sig.

Romeu verður ekkert meira með á þessari leiktíð vegna hné meiðsla en hann sleit krossband og fór hann í aðgerð á mánudag.

„Ef knattspyrnustjórinn vill að ég verði framherji, hægri bakvörður eða á kantinum, þá gerir ég það. Ef það verður til þess að hjálpa liðinu þá geri ég allt sem ég get. Þannig hugsa ég," sagði Luiz á blaðamannafundi í Japan en Chelsea tekur þar þátt á heimsmeistaramóti félagsliða.

John Obi Mikel er í raun eini varnarmiðjumaður Chelsea eins og staðan er í dag hjá félaginu og má búast við því að Rafael Benítez gerir einhverjar tilraunir í þessari stöðu í leikjunum í Japan.