QPR vann sinn fyrsta leik á tímabilinu - öll úrslitin í enska

Queens Park Rangers vann sinn fyrsta deildarleik á tímabilinu og komst upp úr botnsæti ensku úrvalsdeildarinnar eftir 2-1 sigur á Fulham í dag. Adel Taarabt skoraði bæði mörk QPR í leiknum sem færðu Harry Redknapp sinn fyrsta sigur sem stjóri liðsins.

Queens Park Rangers var búið að gera jafnteli í fyrstu þremur leikjum sínum undir stjórn Harry Redknapp sem tók við liðinu af Mark Hughes. Seinna mark Adel Taarabt var af glæsilegri gerðinni.

Norwich City vann sinn þriðja leik í röð og er komið upp í sjöunda sæti eftir 2-1 heimasigur á Wigan. Wes Hoolahan skoraði sigurmarkið eftir sendingu frá Anthony Pilkington sem skoraði einmitt fyrra mark liðsins í leiknum. Norwich er með sex sigra og fjögur jafntefli í síðustu tíu leikjum sínum.

Everton náði aðeins 1-1 jafntefli á móti Stoke sem gefur Tottenham tækifæri á því að taka af þeim fjórða sætið á morgun. Kenwyne Jones tryggði Stoke jafnteflið en Stoke hafði áður skorað sjálfsmark.

Manchester United náði aftur sex stiga forskoti á toppnum eftir 3-1 sigur á Sunderland á Old Trafford. Nágrannarnir höfðu minnkað forystuna í þrjú stig með sigri á Newcastle fyrr í dag.

Belgíumaðurinn Christian Benteke skoraði tvö marka Aston Villa liðsins í 3-1 sigri á Liverpool á Anfeld en Villa-liðið hefur verið á uppleið eftir skelfilega byrjun. Villa-menn léku í dag sinn fimmta leik í röð án þess að tapa.

Úrslit og markaskorarar í ensku úrvalsdeildinni í dag:

Newcastle - Manchester City 1-3

0-1 Sergio Agüero (10.), 0-2 Javi García (39.), 1-2 Demba Ba (51.), 1-3 Yaya Touré (78.)

Liverpool - Aston Villa 1-3

0-1 Christian Benteke (29.), 0-2 Andreas Weimann (40.), 0-3 Christian Benteke (51.),l 1-3 Steven Gerrard (87.)

Manchester United - Sunderland 3-1

1-0 Robin van Persie (16.), 2-0 Tom Cleverley (19.), 3-0 Wayne Rooney (59.), 3-1 Fraizer Campbell (72.)

Norwich - Wigan 2-1

1-0 Anthony Pilkington (15.), 1-1 Shaun Maloney (51.), 2-1 Wes Hoolahan (64.)

Queens Park Rangers - Fulham 2-1

1-0 Adel Taarabt (52.), 2-0 Adel Taarabt (68.), 2-1 Mladen Petrić (88.)

Stoke - Everton 1-1

0-1 Sjálfsmark Ryan Shawcross (36.), 1-1 Kenwyne Jones (52.)