Mancini: Við hefðum getað skorað sex eða sjö mörk

Roberto Mancini, stjóri Manchester City, var ánægður með sína menn eftir 3-1 útisigur á Newcastle í hádegisleiknum í ensku úrvalsdeildinni í fótbolta. City minnkaði með því forskot Manchester United á toppnum í þrjú stig.

„Við vorum frábærir á móti Manchester United en þessi leikur var okkur erfiður. Það var mikilvægt að byrja vel eftir tapið á móti United og strákarnir stóðu sig mjög vel," sagði Roberto Mancini.

„Allir leikmenn liðsins voru að spila vel og við hefðum getað skorað sex eða sjö mörk í þessum leik því við klúðruðum svo mörgum góðum færum," sagði Mancini og bætti við:

„Besta frammistaða tímabilsins hjá okkur var þó á móti Manchester United um síðustu helgi og þá sérstaklega í seinni hálfleiknum þar sem boltinn var bara á þeirra vallarhelmingi," sagði Mancini sem ætlar að taka sinn tíma í að kyngja tapinu á móti Manchester United.