Adel Taarabt: Mikil gleði

Adel Taarabt skoraði bæði mörk Queens Park Rangers í 2-1 sigri á Fulham í ensku úrvalsdeildinni í dag en þetta var fyrsti sigur liðsins á tímabilinu. Taarabt og félagar fögnuðu vel í leikslok.

„Það fylgir því mikil gleði að vinna loksins leik eftir fimm erfiða mánuði. Það stóðu allir sig frábærlega og nú getum við farið á trúa aftur á okkur sjálfa," sagði Adel Taarabt en þetta voru fyrstu deildarmörk hans síðan í byrjun októtber.

„Seinna markið mitt var frábært en fyrra markið var líka gott mark og afar mikilvægt fyrir liðið. Ég var búinn að dreyma um að skora mark eins og seinna markið," sagði Taarabt sem kom QPR í 2-0 í leiknum.

„Við byrjuðum leikinn mjög vel en náðum ekki að skora. Þeir voru meira með boltann eftir hálfleik en stjórinn sagði við okkur í hálfleik að það væri aðeins eitt lið að fara vinna þennan leik. Við getum komið okkur út úr þessari stöðu með því að halda áfram að vinna leiki," sagði Taarabt.