Balotelli í mál við Manchester City

Mario Balotelli virðist vera gera allt sem í sínu valdi stendur til að losna frá Manchester City því hann hefur höfðað mál gegn félaginu fyrir að hafa sektað hann um tveggja vikna laun.

Balotelli var sektaður um tveggja vikna laun vegna brota á agareglum félagsins og vill Balotelli fá 340.000 pundinn greidd og hyggst því fara með félagið fyrir tveggja manna sjálfstæðan dómstól í London á miðvikudaginn.

Hinn 22 ára uppátækjasami framherji segist ekki hafa verðskuldað sektina og eftir að hafa árangurslaust kvartað í félaginu yfir sektinni hefur hann ákveðið að fara lengra með málið.

Þetta síðasta uppátæki kappans eykur enn frekar líkurnar á að yfirvöld á Etihad leikvanginum vilji sjá hann fara frá félaginu og gæti hann jafnvel misst stuðning Roberto Mancini sem hingað til hefur staðið hefur með leikmanninum.

Balotelli var ekki í leikmannahópi Manchester City um helgina gegn Newcastle en Roberto Mancini sagði hann „...vera heima því hann þarf að vinna.“

Þetta kom í kjölfar þess að Mario Balotelli fór beint inn í búningsherbergi þegar honum var skipt útaf fyrir Carlos Tevez í borgareinvíginu í Manchester um síðustu helgi.