Sturridge á leiðinni til Liverpool

Breskir fjölmiðlar greina frá því kvöld að framherjinn Daniel Sturridge sé á leiðinni frá Chelsea til Liverpool í janúar. Hermt er að búið sé að ganga frá öllu og að Liverpool greiði 12 milljónir punda fyrir leikmanninn.

Sturridge hefur lítið fengið að spila með Chelsea í vetur og ekkert síðan Rafa Benitez tók við liðinu.

Liverpool ætlar að láta til sín taka á markaðnum í janúar og er líka talið að hinn tvítugi Tom Ince komi til félagsins frá Blackpool. Hann var á mála hjá Liverpool fyrir 18 mánuðum síðan.