John Obi Mikel samdi við Chelsea til fimm ára

John Obi Mikel, leikmaður Evrópumeistaraliðs Chelsea, skrifaði undir fimm ára samning við félagið en hann hefur verið í herbúðum enska liðsins frá árinu 2006. Nígeríumaðurinn kom til Chelsea frá norska liðinu Lyn árið 2006 og voru þau félagaskipti mjög umdeild – þar sem að Mikel hafði áður gert samkomulag við Manchester United.

„Mér líður eins og heima hjá mér hjá Chelsea. Ég hef verið hér í sex ár og mér líður vel hérna," sagði hin 25 ára gamli miðjumaður í yfirlýsingu sem Chelsea sendi frá sér í gær. „Ég hef unnið allt sem hægt er að vinna með þessu félagi og þessi ár hafa verið mjög eftirminnileg."