Wenger: Máttum ekki við því að tapa stigum

Arsene Wenger, stjóri Arsenal, gat ekki kvartað eftir leik liðsins í dag. Liðið fékk þrjú stig og hélt hreinu.

"Heilt yfir spiluðum við vel, sköpuðum færi og héldum hreinu. Við máttum alls ekki við því að tapa stigum í dag og þetta var því jákvæður dagur," sagði Wenger en bæði mörk Arsenal komu af vítapunktinum.

"Ég hefði orðið rólegri ef við hefðum nýtt færin okkar. Við vorum aðeins og stressaðir er við komumst í færi því við vorum með bakið upp við vegginn fyrir leik.

Fyrra vítið var gjöf en Santi Cazorla dýfði sér og fékk víti.

"Við vorum svolítið heppnir að fá það víti. Ég talaði við Santi og hann sagði að það hefði verið brotið á sér."

Staðan í ensku úrvalsdeildinni.