Liverpool skoraði þrjú án Suarez og vann West Ham

Liverpool vann flottan sigur, 3-2, á West-Ham eftir að hafa lent undir 2-1. Liðið náði því að skora þrjú mörk án Luis Suarez sem var í leikbanni.

Liverpool fór vel af stað á Upton-Park, heimavelli West Ham United, þegar Glen Johnson þrumaði boltanum í netið eftir rúmlega tíu mínútna leik en mark hans var sérstaklega laglegt.

Heimamenn náðu að jafna metin á 36. mínútu þegar Mark Noble skoraði úr vítaspyrnu. Rétt fyrir lok hálfleiksins var fyrirliði Liverpool, Steven Gerrard, fyrir því óláni að skora sjálfsmark þegar hann skallaði boltann í eigið net.

Staðan var því allt í einu orðin 2-1 fyrir West Ham og var þannig í hálfleik. Síðari hálfleikurinn byrjaði rólega og voru liðin bæði í vandræðum að skapa sér færi.

Þegar um korter var eftir af leiknum náði Joe Cole að jafna metin fyrir Liverpool og aðeins þremur mínútum síðar skoraði Jonjo Shelvey, leikmaður Liverpool, þriðja mark gestanna og Liverpool komið yfir.

Fleiri mörk voru ekki skoruð í leiknum og vann Liverpool frábæran sigur.



Staðan í ensku úrvalsdeildinni.