Rodgers óttast ekki að missa Sterling

Það er kurr í Liverpool eftir að Man. Utd lýsti yfir áhuga á hinum 18 ára gamla leikmanni Liverpool, Raheem Sterling, sem er ekki búinn að ganga frá nýjum samningi við Liverpool.

Brendan Rodgers, stjóri Liverpool, er bjartsýnn á að samkomulag náist við Sterling þó svo Liverpool ætli ekki að greiða honum fáranleg laun.

"Ég vil ekki að leikmaðurinn og félagið verði truflað af fréttum um fáranleg laun. Það eru svo sannarlega verðmæti í ungum leikmanni sem hefur ekki afrekað neitt enn sem komið er. Öll svona umræða getur eyðilagt unga menn. Ég er í því að huga að ungum mönnum og gera þá betri. Svona umræða er ekki góð en ég er bjartsýnn á að þetta fari vel að lokum," sagði Rodgers.

Sterling á enn 18 mánuði eftir af samningi sínum við Liverpool.