Van Persie sér ekki eftir að hafa valið United fram yfir City

Robin van Persie hefur blómstrað hjá Man. Utd í vetur og hann sér ekki eftir því að hafa tekið United fram yfir Man. City síðasta sumar.

Van Persie fær að taka þátt í sínum fyrsta borgarslag í dag og hann er spenntur.

"Ég á nú ekki von á því að fá kaldar móttökur frá stuðningsmönnum City. Ég ákvað mig mjög snemma og ég kem brosandi til vinnu á hverjum einasta degi. Besti tími lífs míns er núna og ég gæti ekki verið hamingjusamari," sagði Hollendingurinn sem er búinn að skora 13 mörk í vetur.

"Ég sé ekki eftir neinu. Ég gæti ekki verið hamingjusamari hjá United. Það verður gaman að fá að spila i þessum leik."