Öllum leikjum helgarinnar gerð skil á Vísi

Eins og ávallt má sjá samantektir úr öllum leikjum helgarinnar í ensku úrvalsdeildinni á Sjónvarpsvef Vísis.

Myndböndin birtast á mánudagsmorgni og eru í birtingu í eina viku. Þar má sjá öll mörk leikjanna sem og helstu tilþrifin en Manchester United skellti sér á topp deildarinnar með 2-1 sigri á Arsenal í toppslag deildarinnar.

Næstu lið á eftir - Chelsea, Manchester City, Everton og Tottenham - töpuðu öll stigum. Þá mátti Liverpool sætta sig við 1-1 jafntefli við Newcastle í gær en samantekt úr leiknum má sjá hér fyrir ofan.

Að lokinni hverri umferð birtast svo myndbönd þar sem umferðin er gerð upp í máli og myndum. Leikmaður og lið umferðarinnar er valið, sem og bestu mörkin, bestu markvörslurnar og eftirminnilegasta augnablikið.

En fyrir þá sem vilja einfaldlega sjá allt það helsta sem gerðist í umferðinni í stuttu og skemmtilegu myndbandi er það einnig í boði. Þá er einnig kíkt í sögubækurnar og rifjað upp eftirminnilegt atvik.

Allt þetta birtist í fyrramálið en fyrstu umferðinni lýkur í kvöld með leik West Brom og Southampton.