Lögreglurannsókn hafin á Clattenburg

Knattspyrnudómarinn Mark Clattenburg er sagður neita staðfastlega sök eftir að hann var sakaður um að nota niðrandi orðalag um tvo leikmenn Chelsea.

Clattenburg dæmdi viðureign Chelsea og Manchester United í ensku úrvalsdeildinni um helgina. Samkvæmt enskum fjölmiðlum á hann að hafa kallað John Obi Mikel „apa" og Juan Mata „spænskan hálfvita".

Lögreglan í Lundúnum staðfesti í dag að hún hefði hafið rannsókn á málinu eftir að kvörtun barst frá félagi svartra lögmanna í Bretlandi.

The Guardian segir að Clattenburg hafi í huga að neita ásökunum opinberlega og bætir því við að hann sé bæði sár og reiður vegna málsins.

Enska knattspyrnusambandið hefur þegar hafði sína rannsókn á málinu en málið er eitt fjölmargra kynþáttatníðsmála sem hafa komið upp í tengslum við enska knattspyrnu á síðustu vikum og mánuðum.

Peter Herbert, formaður áðurnefnds félags svartra lögfærðinga í Bretlandi, vill að stofnað verði sérstök leikmannasamtök fyrir þeldökka knattspyrnumenn í Englandi.