Aquilani kveður Liverpool eftir þriggja ára þrautargöngu

Ítalski miðjumaðurinn Alberto Aquilani hefur gengið frá samningi við Fiorentina. Kaupverðið á Aquilani er talið vera sjö milljónir evra eða sem nemur rúmum milljarði íslenskra króna.

Aquilani hefur átt erfitt uppdráttar hjá enska úrvalsdeildarfélaginu Liverpool frá því hann gekk í raðir þess fra Roma árið 2009. Honum hefur gengið erfiðlega að vinna sér sæti í liðinu og tvisvar farið að láni til Ítalíu.

Þrátt fyrir góða frammistöðu, bæði hjá AC Milan og ennþá frekar hjá Juventus, gekk hvorugt félagið frá kaupum á kappanum. Vicenzo Montella, stjóri Fiorentina, sýndi honum þó mikinn áhuga og gekk frá kaupum á kappanum.

Auk Aquilani gekk Fiorentina í dag frá kaupunum á Borja Valero Iglesias og Gonzalo Javier Rodriguez frá Villareal.