Guðmundur skoraði en Start tapaði stigum

Bolvíkingurinn Guðmundur Kristjánsson skoraði annað marka Start sem gerði 2-2 jafntefli á heimavelli gegn Ranheim í B-deild norsku knattspyrnunnar í dag.

Guðmundur kom heimamönnum á bragðið með marki strax á annarri mínútu en hann lék við hlið Matthíasar Vilhjálmsdóttur í fremstu víglínu heimamanna.

Gestirnir jöfnuðu metin um miðjan fyrri hálfleikinn en mark Glenn Andersson úr vítaspyrnu snemma í síðari hálfleik kom toppliði Start í góða stöðu.

Heimamönnum tókst hins vegar ekki að halda út og mark úr vítaspyrnu á lokamínútunni tryggði Ranheim annað stigið.

Start er eftir sem áður í toppsæti deildarinnar. Liðið hefur fimm stiga forskot á Sandefjord sem er í öðru sæti.