Litli bróðir Eden Hazard er líka kominn til Chelsea

Thorgan Hazard, yngri bróðir Eden Hazard, er orðinn leikmaður Chelsea eins og bróðir sinn. Thorgan er búinn að semja við Evrópumeistarana en Chelsea keypti hann frá franska liðinu Lens.

Thorgan Hazard er 19 ára gamall og spilaði 14 sinnum með Lens í frönsku b-deildinni á síðustu leiktíð. Hann á að baki landsleiki fyrir 16 ára, 17 ára, 18 ára og 19 ára lið Belga.

Chelsea hafði áður keypt Eden Hazard frá Lille fyrir 32 milljónir punda en Eden er tveimur árum eldri. Eden hefur látið hafa það eftir sér að hann telji yngri bróður sinn vera betri leikmann og orð hans hafa örugglega haft sitt að segja að Chelsea ákvað að kaupa hann frá Lens.

Thorgan Hazard fær þó ekki að æfa með aðalliði Chelsea á undirbúningstímabilinu og það er líklegast að hann verði lánaður til annars liðs á þessu tímabili.