Starfsmönnum SÞ meinaður aðgangur

Starfsmenn Sameinuðu Þjóðanna (SÞ) fá ekki að koma á vettvang þar sem árásir stjórnarhersins í Sýrlandi áttu sér stað í gær. 78 manns eru sagðir hafa látist í árásunum.

Starfsmennirnir eru stöðvaðir á eftirlitsstöðvum hersins í nágrenninu og komast því ekki að þorpinu Qubair, 20 km norðvestur af borginni Hama, þar sem árásirnar áttu sér stað. Þar af leiðandi hafa sögusagnir af fjöldamorðunum enn ekki fengist fyllilega staðfestar. Þeir munu áfram leita leiða til að komast á vettvanginn.

297 starfsmenn Sameinuðu Þjóðanna eru nú á svæðinu og vinna að friðaráætlun.

Umfjöllun BBC um málið.