Leeds búið að reka stjórann sinn

Leeds rak í dag stjórann Simon Grayson og þjálfarateymi hans en hann hefur stýrt málunum á Elland Road undanfarin þrjú ár. Unglingaliðsþjálfari félagsins, Neil Redfearn, mun taka tímabundið við liðinu á meðan verður leitað verður að nýjum stjóra.

Leeds United er í 10. sæti í ensku b-deildinni en liðið hefur aðeins unnið 2 af síðustu 8 leikjum sínum. Síðasti leikurinn undir stjórn Simon Grayson var 1-4 tap á heimavelli á móti Birmingham City í gær.

Simon Grayson er 42 ára gamall og hefur verið stjóri Leeds frá 2008. Hann var áður stjóri Blackpool. Liðið fór upp í B-deildina undir hans stjórn og náði 7. sæti í henni í fyrravetur.