Tevez ekki til AC Milan | Lokað fyrir félagaskipti á Ítalíu

Eiríkur Stefán Ásgeirsson skrifar 31. janúar 2012 18:44

Þó svo að félagaskipti verði enn heimil í Englandi til klukkan 23 í kvöld er búið að loka fyrir félagaskipti á Ítalíu. Það þýðir að Carlos Tevez, leikmaður Manchester City, fer ekki til AC Milan, eins og sögusagnir voru um.

Í gærkvöldi staðfestu forráðamenn AC Milan að félagið myndi ekki kaupa Tevez að þessu sinni en í hádeginu í dag bárust skyndilega fregnir af því að Milan-menn ætluðu sér þrátt fyrir allt að reyna að klófesta Argentínumanninn.

Ástæðan fyrir þessu mun hafa verið sú að Brasilíumaðurinn Pato hafi verið viljugur að ganga til liðs við Paris Saint-Germain, sem hann hafði áður hafnað. En ekkert varð af því og ekkert varð af félagaskiptum Tevez til Ítalíu, í bili að minnsta kosti.

En hvort að Tevez fari frá Manchester City fyrir klukkan 23 í kvöld verður að koma í ljós.

Tengdar fréttir

City hafnaði boði Liverpool um skipti á Carroll og Tevez

Á vefsíðu Guardian er fullyrt að Liverpool hafi gert Manchester City tilboð um skipti á sóknarmönnunum Andy Carroll og Carlos Tevez. City hafi hins vegar hafnað tilboðinu.

29. janúar 2012 12:30

AC Milan að reyna að næla í Tevez á síðustu klukkutímunum

Framtíð Carlos Tevez gæti ráðist áður en félagsskiptaglugginn lokar í kvöld því nýjustu fréttirnar frá Ítalíu benda til þess að AC Milan ætlar að gera eina lokatilraun að næla í argentínska framherjann á síðustu klukkutímunum.

31. janúar 2012 13:30

Umboðsmaður Tevez: Carlos verður hjá Manchester City fram á sumar

Carlos Tevez er ekkert á förum frá Manchester City í janúarglugganum ef marka má nýtt viðtal við umboðsmanninn hans Kia Joorabchian. City hefur verið í viðræðum við Inter Milan, AC Milan og Paris St Germain en ekkert þeirra er tilbúið að borga þær 25 milljónir punda sem ensku bikarmeistararnir vilja fá fyrir Argentínumanninn.

27. janúar 2012 16:45

Hughes: QPR gæti hjálpað City fengi liðið Tevez á láni

Mark Hughes, stjóri Heiðars Helgusonar hjá Queens Park Rangers, er viss um að það kæmi sér vel fyrir Manchester City að lána Argentínumanninn Carlos Tevez til annars liðs í ensku úrvalsdeildinni. QPR hefur eins og mörg önnur félög áhuga á því að fá Tevez á láni þar sem að það lítur út fyrir að City nái ekki að selja leikmanninn áður en félagsskiptaglugginn lokar í kvöld.

31. janúar 2012 10:45

Milan segir ólíklegt að Tevez komi

Sagan langa um Carlos Tevez og Manchester City tekur líklega ekki enda á morgun. Forráðamenn AC Milan segja í það minnsta ólíklegt að Tevez komi til félagsins áður en lokað verður fyrir félagaskipti annað kvöld.

30. janúar 2012 22:35