Mancini til í að gefa Balotelli annað tækifæri

Roberto Mancini, stjóri Man. City, segist vera tilbúinn að gefa framherjanum Mario Balotelli annað tækifæri. Leikmaðurinn verði þó að vinna sér inn tækifærið.

Leikmaðurinn fór í hart við félagið um daginn út af tveggja vikna sekt sem hann fékk fyrir agaleysi. Hann dró þó í land á endanum.

"Ef hann á skilið annað tækifæri þá fær hann það. Leikmaðurinn verður samt að vinna sér inn það tækifæri," sagði Mancini.

"Menn verða að axla ábyrgð á sínum mistökum og það hefur Mario gert. Hann þarf að bera virðingu fyrir sjálfum sér. Það er gríðarlega mikilvægt."

Balotelli verður ekki með liðinu um helgina þar sem hann er veikur.