Arsenal sló Aston Villa út úr ensku bikarkeppninni með 3-2 sigri á heimavelli sínum í dag. Aston Villa komst í 2-0 en Arsenal sýndi mikinn karakter, skoraði þrjú mörk á sjö mínútum og tryggði sér sigur.
Richard Dunne kom Aston Villa yfir á 33. mínútu með góðum skalla eftir fyrirgjöf Robbie Keane. Darren Bent kom Villa í 2-0 eftir góða skyndisókn rétt fyrir leikhlé en seinni hálfleikur var eign Arsenal.
Robin van Persie skoraði úr tveimur vítaspyrnum með sjö mínútna millibili. Í milli tíðinni skoraði Theo Walcott ótrúlegt mark en Alan Hutton sparkaði boltanum í Walcott sem hafði ekki hugmynd um hvað væri að gerast fyrr en boltinn söng í netinu.
Arsenal sækir annað hvort Sunderland eða Middlesbrough heim í fimmtu umferð keppninnar.
Ótrúlegur sigur Arsenal
