Gera myndir eftir hugsunum

Vísindamönnum tókst nýverið að búa til hreyfimyndir með því að fylgjast með heilastarfsemi fólks. Tæknin gæti í framtíðinni gert fólki mögulegt að fylgjast með hugsunum sjúklinga í dái, eða hlaða draumum sínum á netið í formi kvikmynda.

Vísindamenn við Berkeley-háskóla í Kaliforníu náðu undraverðum árangri þegar þeir fylgdust með heilastarfsemi fólks sem fylgdist með kvikmyndum. Þeim tókst að búa til hreyfimyndir sem sýndu í grófum dráttum það sem fólkið var að horfa á.

„Við erum að opna glugga inn í myndirnar í hausunum á fólki,“ segir Jack Gallant, prófessor við háskólann. - bj