Hannes: Frammistaðan okkur ekki til framdráttar

"Þetta var alls ekki ásættanlegt. Okkar frammistaða í dag er okkur ekki til framdráttar. Það er alveg ljóst," sagði Hannes Þorsteinn Sigurðsson, markaskorari FH-inga, eftir jafnteflið við Víking í kvöld.

"Það vantaði baráttu og við mætum ekki til leiks og sérstaklega í fyrri hálfleik. Við liggjum á þeim í seinni og nóg til að skora," sagði Hannes sem var ánægður með markið sitt enda afar huggulegt mark.

"Hann steinlá í sammaranum. Það var fínt að skora og komast betur inn i leik liðsins og spila 90 mínútur. Ég hef ekki gert það í háa herrans tíð," sagði Hannes en leikurinn tók sinn toll enda var hann með bundinn ís um báðar lappir eftir leikinn.

Það má sjá í myndbandinu hér að ofan.