Kim Jong-un hylltur - myndband

Kim Jong-un var miðpunktur allrar athygli á minningarathöfn sem fram fór í Norður Kóreu í dag vegna dauða föður hans. Athöfnin virtist í raun vera táknræn stund þar sem sonurinn tók við völdum, enda var hann hylltur sem „hinn stórkostlegi leiðtogi flokksins, ríkisins og hersins".

Hér má sjá myndband af athöfninni, þar sem mörg þúsund íbúar Norður Kóreu tóku þátt í samhæfðum sorgarkveinum.

Fjölmargir af æðstu embættismönnum landsins ávörpuðu söfnuðinn. Þeir lofuðu meðal annars að sonurinn myndi viðhalda stefnu föður síns um að herinn gangi fyrir við fjárveitingar og að sorg fólksins yrði breytt í „þúsund sinnum meiri styrk undir stjórn Kim Jong-un".

Útför Kim Jong-il fór fram í gær.