Fellibylurinn Rina sækir í sig veðrið

Fellibylurinn Rina sækir nú í sig veðrið í vesturhluta Karabíska hafsins. Skips úr flota Nígaragúa er saknað frá því í gærkvöldi en skipið var að flytja fólk frá strandhéraði þar sem talið var að Rina myndi ganga á land. Um borð í því voru 27 manns auk áhafnar skipsins.

Vindhraði Rina er kominn í 120 kílómetra á klukkustund og fer vaxandi. Fellibylurinn færir sig nú frá ströndum Nígaragúa og Hondúras í áttina að Belize og Mexíkóskaga. Ferðamenn á þessum slóðum hafa verið varaðir við hættunni af þessum fellibyl.